tonga soa r'ise a!!!!

 

Miarahaba an'ise tonga soa eto amin'ny tranon-kalan'ny SAMPATI (SAmpana MPAnazava sy TIly) VIIIé RASALAMA Maritiora Toliara. Faly araka izany izahay mandray an'ise, ary mino izahay fa hahita soa sy fahafinaretana ise eto am-pitsidihina ny tranon-kalanay.

Sehatra iray eto nataonay hifaneraserana sy hampitam-baovao ary hanovozana fahalalana ihany koa, ho an'ny tsirairay ary indrindra ho an'ireo izay ao anatin'ny fikambanana skoto manerana ny Madagasikara.

iza moa ny viii rasalama?

 

Iza moa ny SAMPATI 8em RASALAMA Maritiora Toliara? . Raha ambara amin'ny teny fohy dia fikambanana skoto (mitaiza amin'ny alalan'ny skotisma) miorina eo anivon'ny FJKM Rasalama Maritiora Toliara izahay. Manaraka ireo rafitra isan-tokony eo anivon'ny FJKM amin'ny maha sampana iray azy eo anivon'ny fiangonana. Miankina amin'ny MTEM ihany koa anefa amin'ny alalan'ny faritany MTEM Atsimo Andrefana, indrindrindrindra eo amin'ny lafiny fanabeazana.

Ny mpikambana fototra dia samy misy ny sampana mavo sy maitso na ny Mpanazava na ny Tily. Mbola eo andalam-panetsiketsehana kosa ny sampana mena. Tokon-tany Maitso sy sisiny Manga no fehitenda sy marika ahafantarana anay ("Ala voadidin'ny ranomasina").